1985.04.04
Tıq-tıq-tıq!
Deyəsən, gəlib,
Dünyaya çatdıq.
Heeey, çəkilin dağlar,
Mən gəldim!
Elə etməyin vurub qıram.
Çəkimiz də 3.5 kiloqram.
1988
Şirin dilli,
Toppuş əlli,
Babasının gül nəvəsi.
Bəs, hanı onun dəvəsi?
1991
Qara kostuyum, ağ urbuşqa,
Durmasın qabağında
Heç bir çuşqa-muşqa.
Əlindən də düşmür güllü kuruşqa
Məktəbin yollarında.
Məhlənin yaraşığı
Gedəcəkmiş, sən demə,
Bir neçə nakam gözə,
Sönəcəkmiş işığı…
Oktyabr. 1991
Kəndlərindən gələrkən,
Möhkəm maşın qəzası,
Qalmayıb sağ əzası
Çəkilməzmiş cəfası.
Və ölümdən qayıdış
Ya da ikinci doğum.
Amma
Yoxdur artıq əvvəlki o yaraşıq
Mecburdur yaşamağa
Həyat ilə barışıq.
Çünki, verən də O, alanda.
Kim nə edə bilər ki,
Lap son yerə qalanda?
1998
Təhsildə inqilab var
Orta məktəb bizə dar
Ağdaş litseyi olacaqmış
bizə artıq sadiq yar.
2001
Bir inqilab daha
Ruhunda və qəlbində
Mənəvi aləmində
Dünyanın dəyişən çöhrəsi
Allahın iman bəhrəsi
Cənnətlərin müjdəsi
Bir inqilab daha
İslamiyyət bəstəsi.
2003
Nəsibmiş qürbət ellər
Arxasıyca, “əlvida!” nidasıyla
Havada sallanan əllər.
O, qürbətdə, bəs, neylər,
Elimmi, təhsil eylər,
Yoxsa quru kəlammı?
2005-in yayı
Dəyişən düşüncələr.
O, ancaq, düş incələr,
Uzun, səssiz gecələr.
2006-Fevral
Bu dəfə nurlu günəş
Başqa tərəfdən doğdu,
Qaranlıq səmalarda.
Başqa belə yar yoxdu,
Nağıl və dastanlarda.
Çiçəkləndi həyatı
Ən gözəl bir çiçəklə.
Ömrü şən bir bayatı,
Ən gözəl, ən göyçəklə!
02.03.06-gecə 01:55
Mən gedirem yatmağa,
“O” yuxuya batmağa
Muradıma çatmağa.
Gedirəm qanadlanıb
Səninlə xoşbəxt olan
Sabahlara uçmağa.
Ömrümün ən önəmli,
Ağlamalı, gülməli
kilometr daşların
Mən sizinlə paylaşdım.
Həyat adlı igidlə,
Gördüz necə savaşdım?
İndi artıq gedirəm
Naməlum sabahlara.
Minərək pusulası
Bəlirsiz qır atlara.
Qoy, Allah yarı olsun
Ona yar olanların.
Ömrü sevinccə dolsun,
Allahla qalanların.
